Policia ende në kërkim të të dyshuarit për vrasjen e 45-vjeçarit në Mitrovicë

12:20 | 23 Shtator 2024
E.H

Policia e Kosovë është ende në kërkim të të dyshuarit kryesor, Valdrin Salihut për vrasjen e Florim Zeqirit të premten në Mitrovicën Jugore.

Lajmin për Arbresh.info e ka konfirmuar zëdhënësi i policisë për rajonin e Mitrovicës së Jugut, Avni Zahiti.

“Nuk ka arrestim”, ka thënë Zahiti.

Ndryshe, Zahiti dyshohet se me armë zjarri ka vrarë 45-vjeçarin Florim Zeqirin në rrugën “Fatime Hetemi” në Mitrovicë.

Në vendin e ngjarjes janë gjetur gjashtë gëzhoja ndërsa i dyshuari pas aktit është larguar në drejtim të panjohur.

Kurse, të dielën policia ka bërë të ditur se kanë kontrolluar banesën e të dyshuarit ndërsa kanë gjetur dhe sekuestruar një pistoletë, tre karikator dhe 205 fishekë./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm